Daga Bashir Bello, Majalisa Abuja.
A cikin wata jawabi mai cike da alhini da damuwa da ya gabatar ga manema labarai, Dan Majalisar Wakilai mai wakiltar mazabar Borgu/Agwara a Jihar Neja, Hon. Jafaru Mohammad Ali, ya bayyana matsanancin halin rashin tsaro da ke addabar yankinsa, yana mai cewa Kainji National Park, wanda a da ya kasance cibiyar yawon bude ido da namun daji a Najeriya, yanzu ya fada hannun ‘yan ta’adda gaba daya.
Bayan da Majalisar Wakilai ta amince da kudurinsa a karkashin dokar Muhimman Lamurra na Gaggawa, dan majalisar wanda aka kai wa hari kwanan nan da kansa ya bayyana cewa lamarin ya fita daga hannun gwamnati.
Ya ce ya zama dole a gare shi ya fito fili ya bayyana halin da ake ciki, ba wai kawai a matsayin wakili ba, har ma a matsayin wanda ya dandana kudar matsalar da al’ummarsa ke fuskanta.
“Ko har da National Park da ke yankinmu yanzu yana hannun ‘yan ta’adda,” in ji shi cikin damuwa. “An hallaka duka namun dajin da ke cik
