Daga Bashir Bello Majalisa Abuja.
Kudirin dokar kafa Cibiyar Hukumar Yaki da Masu Ta’annati da Arziki da Kudade kasa (EFCCI), domin zama cibiyar horaswa, bincike, samar da manufofi da hadin gwiwar dabaru wajen hana, ganowa da gurfanar da masu Ta’annati da tattalin arziki da kudaden Najeriya ya tsallake karatu na Biya a zauren Majalisar.
Kudirin Wanda Dan majalisar Wakilai mai wakiltar Panshin, Kankin da Kanan daga Jihar Plateau Hon. Yusuf Adamu Gagdi ya ya dauki nauyi anyi Mata karatu na Biyu a Zauren Majalisar Wakilai a Abuja.
Da yake zantawa da manema labarai Jim kadan bayan zaman Majalisar, Hon. Yusuf Adamu Gagdi yace ban da wannan kudirin akwai kudirin dokar masu yin almundahanar Kudi da suke fitar da su kasashen waje domin dokar na cikin dokokin da Hukumar EFCC ke amfani da ita ga wadanda aka samu da yi wa tattalin arzikin kasa zagon kasa.
“Akwai gyare gyaren da na yi Mata ta wuce karatu na daya da na biyu har an mikawa kwamitin, kuma duk wasu jami’an gwannati da suka sace Kudaden Alumma ko kuma aka sace kudin gwannati aka mallaki kaddarori ko wadanda aka samu kaddarorin da aka yi amfani da kudin al’umma aka mallaki kaddarorin munyi wa Dokar kwaskwarima da nufin magance matsalolin”.
“Duk da cewa su EFCC na da makarantar da suke horas da yaran da za su Shiga aikin EFCC, yanxu muna nema ne jammi’ar EFCC ta Kara girma domin su samu damar horas da kananan dalibai da na tsakiya da kuma manyan dalibai kuma za a iya yin amfani da wannan jami’ar a horas da wadansu jami’an da ba na EFCC ba na wadansu ma’aikatu daban daban da in an horas da su za su iya Samun diploma, degree da digirgir ko Sama da haka a fanin yaki da cin hanci da rashawa” Inji Hon. Gagdi.
Har ila yau Hon. Gagdi yace ahanlin yanxu, makarantar EFCC ba ta da ikon bayar da irin wadannan takardun shaida kammala karatu. Kuma dokar kasa za ta bayar da damar ga wadansu hukumomin gwannati dake son yin karatun a wurin EFCC.
“idan gurin ya Zama jami’a duk za su samu damar hakan don ganin an samu ilimin yin yaki da cin hanci da rashawa da wadanda suka shafi na gwannati mutane su sace su da nufin ganin yadda za a magance wannan kalubalen.
Bugu da Kari ya cewa hukumar EFCC na samun gagaruman nasara wajen gudanar da aikin ta, kuma babu shakka akwai kalubale sosai Amma yace suna iya kokarinsu.
