Daga hagu: Daraktan Sufuri na Rarrabawa, Obajana Hemant Rana (Col Rtd.); Babban Shugaban HSSE da Dorewar Muhalli na Dangote Industries Limited, Dr. James Adenuga; Kwamandan FRSC, Muhammed Shehu; Shugaban Sufuri na Dangote Cement Plc, Murillo Silva; Shugaban Tsaron Motoci a Najeriya na Dangote Cement Plc, Ozovehe Abraham; Shugaban Binciken Pre-Trip, DCP Obajana, Charles Theophilus, yayin ziyarar da Dangote Cement Transport ta kai ga Kwamandan FRSC a Abuja Ranar Talata.
Hukumar Kiyaye Haddura ta Ƙasa (FRSC) ta yaba wa Kamfanin Siminti na Dangote Cement Transport bisa samar da sauye-sauye masu ma’ana da kuma ingantattun matakai wajen tsaron hanyoyi, inda aka lura da raguwar haɗurran manyan motoci a fadin Najeriya bayan gabatar da sabbin manufofin tsaron sufuri da sauye-sauyen gudanarwa.
Hukumar ta bayyana Dangote Cement a matsayin abin koyi wajen gudanar da harkokin sufuri da tsaron hanyoyi, ba kawai a Najeriya ba har ma a nahiyar Afirka.
Yayin ziyarar da Kamfanin Dangote Cement Plc ta kai hedikwatar FRSC a ranar Talata, Babban Kwamandan Hukumar, Shehu Mohammed, ya yaba wa kamfanin bisa kafa sabbin ka’idoji a harkar tsaron hanyoyi, tare da kira da a ci gaba da aiwatar da manufofin da ke sauya tsarin sufuri a Najeriya.
Binciken kwatance tsakanin shekarar 2025 da 2026 ya nuna raguwar haÉ—urran motocin Dangote Cement da kashi 56 cikin É—ari, tare da raguwar mace-mace da kashi 36 cikin É—ari da kuma raunuka da kashi 52 cikin É—ari.
A cewar Babban Kwamandan, waɗannan sakamakon sun nuna yadda Dangote Cement ta aiwatar da binciken gibin tsaro (Gap Analysis) da kuma ƙarfafa manufofin tsaron cikin gida, waɗanda ya ce ya kamata sauran kamfanonin sufuri a Afirka su yi koyi da su.
Ya jaddada cewa nasarar Dangote Cement ta tabbatar da cewa idan manyan kamfanoni suka daidaita tsaro, fa’idar ta shafi ƙasa baki ɗaya da ma nahiyar Afirka.
Tinda farko, Shugaban Sufuri na Dangote Cement Plc, Murilo Silva, ya bayyana cewa kamfanin na ci gaba da zuba jari a tsarin gudanar da sufuri na zamani, ciki har da fasahar bincike ta atomatik da kuma hanyoyin da ke amfani da basirar na’ura (AI) domin ƙara inganci da tsaron hanyoyi.
Murilo Silva ya bayyana cewa haÉ—in gwiwar da aka dade ana yi da FRSC wajen tsara da aiwatar da manufofin sufuri yanzu yana haifar da sakamako mai gamsarwa.
Baya ga manufofin tsaron sufuri na musamman, kamfanin na ci gaba da fifita sake tabbatar da cancantar direbobi da kuma horaswa ta ci gaba.
Shugaban HSSE da Dorewar Muhalli na Dangote Industries Limited, Dr. James Adenuga, ya jaddada cewa waɗannan nasarori sun samo asali ne daga jajircewar shugabanci da goyon bayan manyan jagorori wajen kirkire-kirkire. Dr. Adenuga ya tabbatar da cewa Dangote Cement na ci gaba da mai da hankali kan ingantawa, tare da sauye-sauye masu dorewa, ƙara tsaro, da manufofin kirkire-kirkire domin ƙarfafa inganci, bin ƙa’idojin duniya, da kuma samar da ƙimar da ta dawwama ga masu ruwa da tsaki da al’ummomin da ke karɓar kamfanin.
Shi ma Shugaban Tsaron Motoci na Dangote Cement Plc a Najeriya, Ozovehe Abraham, ya bayyana cewa kamfanin ya ƙaddamar da sabbin fasahohi domin sa ido da tantance halayen direbobi a ainihin lokacin.
Waɗannan tsarin suna ƙara bin ƙa’idojin tsaro, gano halayen tuƙi masu haɗari tun da wuri, da kuma tallafawa ci gaba da inganta aikin direbobi.
Mr. Abraham ya ƙara da cewa Dangote Cement na sake daidaita da ƙarfafa manufar iyakar gudu a matsayin wani bangare na matakan tsaron gudanarwa domin ƙara rage haɗurran hanyoyi da kuma ƙarfafa ladabi da tsaron sufuri.
Mambobin tawagar Dangote Cement Plc da suka kai ziyara hedikwatar FRSC sun haɗa da Daraktan Sufuri na Rarrabawa, Obajana Hemant Rana (Col Rtd.); Shugaban Binciken Pre-Trip, Charles Theophilus, da kuma Dr. Jibrin Abubakar na Sashen Talla da Hulɗar Jama’a.
