Daga Bashir Bello, Abuja
Daga hamadar Borno zuwa gonakin Benue, daga kasuwannin Kano zuwa kogunan Kebbi, ana ta maimaita magana daya a fadin yankin kafin Zaben 2027: tare da Jakada, Aliyu Bin Abbas na Jamiyar ADP.
Arewa ba ta bukatar wani mai ceto daga waje.Mai neman kujerar shugaban kasa na jam’iyyar Action Democratic Party ya shafe watanni 18 yana yin abin da ‘yan siyasa kadan ke yi, fitowa fili.
Taron jama’a a Jigawa, zaman jin ra’ayi a Plateau, da duba ayyuka a Zamfara sun zama tamkar kuri’ar raba gardama kan abin da ‘yan Arewa ke bukata: tsaro, abinci a tebur, ayyukan yi ga matasa, da makarantu masu inganci.
Dalilin Karuwar Goyon Baya
Jakada Abbas yana takara bisa ayyuka, ba magana kawai ba. A matsayinsa na wanda ya kafa National Youth Alliance (NYA), ya gina tsari a dukkan kananan hukumomi 774 na Najeriya.
A matsayin dan jam’iyyar ADP, ya gina dandalin siyasa bisa ginshikai hudu:Tsaron Abinci: Noman ban ruwa na zamani, silos a kowace mazabar sanata, da hada kai kai tsaye da kasuwa don rage asara da hauhawar farashi.
Tsaron Al’umma: Tallafawa ‘yan sanda na al’umma, ingantaccen rabon bayanan sirri, da rundunonin gaggawa da suka dace da yanayin yankuna.
Matasa Masu Kwarewa: Kwalejojin fasaha da sana’o’i a jihohi 36, da aka danganta da sarrafa amfanin gona da masana’antu.
Ci gaban Masana’antu: Layin dogo, hanyoyi, da wutar lantarki da aka danganta da cibiyoyi a Kaduna, Kano, Maiduguri, Otukpo, Enugu, Port Harcourt zuwa Lagos, don motsa kaya da samar da ayyukan yi.“Mun dade muna jiran ceto daga waje,” in ji hadakar sarakunan gargajiya da shugabannin matasa a Sokoto makon da ya gabata. “Yanzu Arewa na zaben hanyarta, tare da ɗanmu.”
Hanyar Zuwa 2027 ADP za ta bude ofisoshin kamfen a fadin Najeriya kuma za ta kaddamar da “North First Compact” a wannan wata. Ziyarar za ta fara a Gombe, Neja, da Katsina, tare da mayar da hankali kan manoma, malamai, da ‘yan kasuwa kanana.‘Yan adawa za su gwada sakon. Amma a kasa, magana na shiga zuciya: jagoranci da ya fahimci radadin yankin, da shirin gyara shi.
A 2027, tattaunawa a Arewa ta Najeriya na sauyawa. Ba batun “wanene zai ceci mu” ba ne. Batun shi ne goyon bayan Jakadan ADP Abbas domin Arewa ta yarda ba ta bukatar wani mai ceto.
